%20(31).jpeg)
‘ലാ നിന’ പ്രതിഭാസമാണ് ഇത്തവണ കേരളത്തിൽ കാലവർഷം ശക്തമാക്കുന്നതിന് കാരണമാവുക. നിലവിൽ ‘എൽ നിനോ’ പ്രതിഭാസം കൊണ്ടാണ് സംസ്ഥാനത്ത് കൊടുംചൂട് അനുഭവപ്പെടുന്നത്. ഇതിന് നേരെ വിപരീതമായ പ്രതിഭാസമാണ് ‘ലാ നിന’. ഈ പ്രതിഭാസം മൂലം കനത്ത മഴ ആയിരിക്കും ഉണ്ടായിരിക്കുക. മെയ് പകുതി വരെ കേരളത്തിൽ ‘എൽ നിനോ’ നിലനിൽക്കുന്നതായിരിക്കും. തുടർന്നുള്ള ദിവസങ്ങളിൽ ഈ പ്രതിഭാസം ദുർബലമാവുകയും ‘ലാ നിന’ ശക്തിപ്പെടുകയും ചെയ്യും.
‘ലാ നിന’ ശക്തിപ്പെടുന്നതോടെ മൺസൂൺ മഴ കനക്കുന്നതാണ്. സാധാരണഗതിയിൽ ജൂൺ ഒന്നിന് ആരംഭിച്ച സെപ്റ്റംബർ പകുതിയോടെ അവസാനിക്കുന്ന മൺസൂൺ കാലഘട്ടമാണ് കേരളത്തിൽ ഉണ്ടാകാറുള്ളത്. എന്നാൽ ഇത്തവണ മെയ് അവസാനത്തോടെ ആരംഭിച്ച് സെപ്റ്റംബർ അവസാനം വരെ നീണ്ടുനിൽക്കുന്ന അതിശക്തമായ മഴക്കാലം ആയിരിക്കും ഉണ്ടാവുകയെന്നാണ് കേന്ദ്ര കാലാവസ്ഥാ വകുപ്പിന്റെ പ്രവചനം.
