ന്യൂസ് ഏജൻസിയായ എഎൻഐ -യാണ് ഇത് സംബന്ധിച്ച വാർത്തകൾ നൽകിയത്. പാടത്തിന്റെ നടുവിൽ കരടിയുടെ വേഷവും ധരിച്ച് കർഷകർ ഇരിക്കുന്നതും എഎൻഐ പങ്ക് വച്ചിരിക്കുന്ന ചിത്രങ്ങളിൽ കാണാം. ലഖിംപൂർ ഖേരിയിലെ ജഹാൻ നഗർ ഗ്രാമത്തിലെ കർഷകർ കുരങ്ങന്മാർ അവരുടെ കരിമ്പ് പാടം നശിപ്പിക്കുന്നത് തടയാൻ വേണ്ടി കരടി വേഷം കെട്ടിയിരിക്കുന്നു എന്നും അടിക്കുറിപ്പിൽ സൂചിപ്പിക്കുന്നുണ്ട്. പങ്കുവച്ച ഉടനെ തന്നെ പോസ്റ്റ് വൈറലായി മാറുകയും ചെയ്തു.
Uttar Pradesh | Farmers in Lakhimpur Kheri's Jahan Nagar village use a bear costume to prevent monkeys from damaging their sugarcane crop
— ANI UP/Uttarakhand (@ANINewsUP) June 25, 2023
40-45 monkeys are roaming in the area and damaging the crops. We appealed to authorities but no attention was paid. So we (farmers)… pic.twitter.com/IBlsvECB2A
എന്നാൽ, ചിലർ കമന്റിൽ സൂചിപ്പിച്ചത് ഇത് ഒരു മികച്ച ആശയമൊന്നുമല്ല. കാരണം, ലഖിംപൂർ ഖേരി, ദുധ്വ നാഷണൽ പാർക്കിന് സമീപമാണ്. അതിനാൽ തന്നെ കടുവയും കരടിയും തമ്മിലുള്ള പോരൊക്കെ അവിടെ സാധാരണമാണ് എന്നാണ്. അതുപോലെ, കൂടി വരുന്ന മനുഷ്യരും മൃഗങ്ങളും തമ്മിലുള്ള സംഘർഷത്തിന് എന്തായിരിക്കും കാരണം എന്ന ആശങ്ക പങ്ക് വച്ചവരും കുറവല്ല.
എഎൻഐ -യോട് സംസാരിക്കവെ ഒരു കർഷകൻ പറഞ്ഞത് 40-45 കുരങ്ങന്മാരെങ്കിലും വരികയും തങ്ങളുടെ പാടത്തിറങ്ങി വിളകൾ നശിപ്പിക്കുകയും ചെയ്യാറുണ്ട്. അധികൃതരോട് പറഞ്ഞെങ്കിലും ആരും തിരിഞ്ഞ് നോക്കിയില്ല. അതുകൊണ്ട് നാലായിരം രൂപ മുടക്കി ഈ വേഷം വാങ്ങുകയായിരുന്നു എന്നാണ്.
