ദിവസവും 5 ഗ്രാം മഞ്ഞൾപ്പൊടി കഴിച്ചാൽ അത്ഭുതങ്ങൾ സംഭവിക്കും!
രോഗങ്ങൾ തടയാനും സൗന്ദര്യം വർദ്ധിപ്പിക്കാനും മികച്ച ഒറ്റമൂലി

കറികളിൽ മാത്രമല്ല, മഞ്ഞൾ ഒരു മികച്ച ആയുർവേദ രസായനം കൂടിയാണ് 💛

🌱 ആയുർവേദം | Turmeric Health Benefits

പുരാതനകാലം മുതൽ ഇന്ത്യക്കാരുടെ നിത്യജീവിതത്തിൽ ഒഴിച്ചുകൂടാനാവാത്ത ആഹാരവും ഔഷധവുമാണ് മഞ്ഞൾ. മികച്ചൊരു വിഷഹാരിയായ ഇതിന് അനവധി സൗന്ദര്യവർധക ഗുണങ്ങളുമുണ്ട്. സിൻജിബെറേസിയെ (Zingiberaceae) സസ്യകുടുംബത്തിൽപ്പെടുന്ന മഞ്ഞളിൻ്റെ ശാസ്ത്രനാമം 'കുർക്കുമ ലോംഗാ' (Curcuma longa) എന്നാണ്. ഇതിലടങ്ങിയിരിക്കുന്ന 'കുർക്കുമിൻ' (Curcumaloid) എന്ന ദ്രവ്യമാണ് മഞ്ഞളിന് അതിൻ്റെ സ്വതസിദ്ധമായ മഞ്ഞനിറം നൽകുന്നത്. പച്ചയ്ക്കും ഉണക്കിയും ഒട്ടേറെ ആയുർവേദ മരുന്നുകളിലും, ഓയിന്റ്മെൻ്റുകൾ, തൈലങ്ങൾ, ക്രീമുകൾ, സോപ്പുകൾ, ജ്യൂസുകൾ എന്നിവയുടെ നിർമ്മാണത്തിലും ഇത് ഉപയോഗിച്ചുവരുന്നു.

അസുഖങ്ങളെ അകറ്റാൻ മഞ്ഞൾ പ്രയോഗങ്ങൾ 🌿

സൂര്യാവർത്തം (Migraine): നെയ്യും മഞ്ഞൾപ്പൊടിയും കുഴച്ച് തുണിയിൽ പുരട്ടി തിരിയാക്കി കത്തിച്ച്, അതിൽ നിന്നുള്ള പുക മൂക്കിലൂടെ വലിച്ചുകയറ്റുന്നത് മൈഗ്രേനിന് നല്ലൊരു പരിഹാരമാണ്. ഉണക്കമഞ്ഞൾ നല്ലെണ്ണയിലിട്ട് അരമണിക്കൂർ കഴിഞ്ഞ് കത്തിച്ചെടുക്കുന്ന പുക ശ്വസിക്കുന്നതും ഫലപ്രദമാണ്.
ക്രിയാറ്റിനിൻ കുറയ്ക്കാൻ: രക്തത്തിലെ ക്രിയാറ്റിനിൻ്റെ അളവ് ക്രമപ്പെടുത്താൻ ദിവസവും 5 ഗ്രാം മഞ്ഞൾപ്പൊടി വീതം കഴിക്കുന്നത് ഗുണം ചെയ്യും.
ജലദോഷവും അലർജിയും: കാച്ചിയ പാലിൽ പച്ചമഞ്ഞൾ നീരൊഴിച്ച് കുടിക്കുന്നത് ജലദോഷം വേഗത്തിൽ മാറ്റും. കട്ടൻചായയിൽ മഞ്ഞൾനീരൊഴിച്ച് കുടിക്കുന്നത് അലർജിക്ക് ശമനമുണ്ടാക്കും.
വിഷബാധയ്ക്ക്: എട്ടുകാലി വിഷം ഏൽക്കുമ്പോൾ മഞ്ഞൾപ്പൊടിയും കളിമണ്ണും ചേർത്ത് പുരട്ടുന്നത് പണ്ടുകാലം മുതലുള്ള മികച്ചൊരു ചികിത്സയാണ്.
ത്വക്ക് രോഗങ്ങൾക്ക്: ആര്യവേപ്പിലയും മഞ്ഞളും ചേർത്തരച്ച് ചെറിയ ഗുളിക രൂപത്തിലാക്കി അതിരാവിലെ കഴിക്കുന്നത് ദേഹത്തുണ്ടാകുന്ന ചൊറി, ചിരങ്ങ് എന്നിവയെ തടയും.

സൗന്ദര്യ സംരക്ഷണത്തിന് ✨

മഞ്ഞൾപ്പൊടി ശുദ്ധമായ വെളിച്ചെണ്ണയിൽ ചാലിച്ച് 3 ദിവസം മഞ്ഞുകൊള്ളിച്ചും അടുത്ത 3 ദിവസം വെയിൽ കൊള്ളിച്ചും എടുത്ത ശേഷം ദേഹത്ത് പുരട്ടിയാൽ ശരീരത്തിലെ കറുത്ത പാടുകൾ മാറും.
കണ്ണുകൾക്കു താഴെ വരുന്ന കറുത്ത പാടുകൾ മാറ്റാൻ മഞ്ഞളും മോരും ചേർത്ത മിശ്രിതം പുരട്ടുന്നത് ഒരു പരിധിവരെ സഹായിക്കും.