ബുദ്ധിവികാസത്തിനും കണ്ഠശുദ്ധിക്കും വയമ്പ്;
നെല്ലിന് സമാനമായ രീതിയിൽ ഇനി വയമ്പും കൃഷി ചെയ്യാം!

ഈർപ്പമുള്ള മണ്ണിൽ മികച്ച വിളവ് നൽകുന്ന ഈ അമൂല്യ ഔഷധസസ്യത്തിന്റെ കൃഷിരീതികൾ അറിയാം 🌿

🌱 ഔഷധസസ്യ കൃഷി | Vayambu (Sweet Flag) Cultivation

ബുദ്ധിവികാസത്തിനും കണ്ഠശുദ്ധിക്കും ആയുർവേദം എടുത്തുപറഞ്ഞിട്ടുള്ള അമൂല്യ ഔഷധിയാണ് വയമ്പ്. ഉഗ്രഗന്ധ, ജടിലഃ, ലോമശഃ എന്നീ സംസ്‌കൃത നാമങ്ങളിൽ അറിയപ്പെടുന്ന വയമ്പ് ഇംഗ്ലീഷിൽ സ്വീറ്റ്ഫ്‌ലാഗ്, കലാമസ് എന്നും വിളിക്കപ്പെടുന്നു. അരേസി എന്ന സസ്യകുടുംബത്തിൽപ്പെടുന്ന ഇതിൻ്റെ ശാസ്ത്രീയനാമം അക്കോറസ് കലാമസ് എന്നാണ്. 40 സെ.മീ. ഉയരം വയ്ക്കുന്ന, നല്ല തിളക്കവും കട്ടിയുമുള്ള ഇലകളുള്ള ഈ സസ്യത്തിന്റെ പ്രകന്ദമാണ് (Rhizome) ഔഷധയോഗ്യമായ ഭാഗം.

ഔഷധ ഗുണങ്ങളും ഉപയോഗങ്ങളും 🍃

വയമ്പിൻ്റെ എല്ലാ ഭാഗത്തും കലാമസ് തൈലം അടങ്ങിയിട്ടുണ്ട്. ഇതിന്റെ മൂലകാണ്ഡത്തിൽ അക്കോറിൻ എന്ന ഗ്ലൂക്കോസൈഡും ആൽക്കലോയ്ഡ്സും അടങ്ങിയിരിക്കുന്നു.
ഓർമ്മശക്തിയും സ്വരവും വർധിപ്പിക്കുവാൻ വയമ്പ് വളരെ നല്ലതാണ്. ഉൻമാദം, അപസ്മാരം തുടങ്ങിയ മാനസിക അസ്വാസ്ഥ്യങ്ങളെ ശമിപ്പിക്കാനും ഇതിന് കഴിവുണ്ട്.
ആയുർവേദത്തിൽ ധന്വന്തരം കഷായം, മഹാതിക്തകം കഷായം, മഹാരാസ്‌നാദി കഷായം, ബ്രാഹ്‌മരാസായനം തുടങ്ങിയ ധാരാളം ഔഷധയോഗങ്ങളിൽ വയമ്പ് ഒരു പ്രധാനഘടകമാണ്.
അഗ്നിദീപ്തി ഉണ്ടാക്കാനും മലബന്ധവും മൂത്രതടസ്സവും അകറ്റാനും ദന്തരോഗങ്ങൾക്കും ഇത് ഡോക്ടർമാർ നിർദേശിക്കാറുണ്ട്.

നിലമൊരുക്കലും കൃഷിരീതിയും 🪴

നെല്ലിന്റേതിന് സമാനമായ രീതിയിലാണ് വ്യാവസായിക അടിസ്ഥാനത്തിൽ വയമ്പ് കൃഷി ചെയ്യുന്നത്. ഏറെ ഈർപ്പം ആവശ്യമുള്ള ഈ സസ്യം വെള്ളത്തിൽ മുങ്ങികിടക്കാൻ പാകത്തിൽ പുഴയുടെയോ കനാലിൻ്റെയോ തീരങ്ങളിലാണ് നടേണ്ടത്.
രണ്ടുമൂന്നു തവണ ഉഴുതുമറിച്ച് നനച്ച് വീണ്ടും ഉഴുതുമറിച്ച് നെല്ലിനായി നിലം ഒരുക്കുന്നതുപോലെ വേണം വയമ്പിനും നിലം ഒരുക്കാൻ.
ഒരു വർഷം പ്രായമായ രണ്ടു മുതൽ മൂന്ന് മുകുളങ്ങളുള്ള പ്രകന്ദങ്ങളാണ് നടീൽ വസ്‌തുവായി ഉപയോഗിക്കുന്നത്. മുളപ്പിച്ച പ്രകന്ദങ്ങൾ 30x30 സെന്റിമീറ്റർ അകലത്തിലും 5 സെൻ്റിമീറ്റർ ആഴത്തിലും നടണം.
നടീലിന്റെ രണ്ടാംദിവസം തന്നെ മുളകൾ ദൃശ്യമാകും. പ്രാരംഭത്തിൽ ജലനിരപ്പ് 5 സെ.മീ ആയിരിക്കണം, പിന്നീട് ഇത് 10 സെ.മീ ആയി വർധിപ്പിക്കണം.

വിളവെടുപ്പും വിപണിയും 👩‍🌾

പറിച്ചുനട്ട് ഒരു വർഷത്തിന് ശേഷം വയമ്പ് വിളവെടുക്കാവുന്നതാണ്. ഇലകൾ മഞ്ഞ നിറമാകുന്നതും പിന്നീട് ഉണങ്ങുന്നതും നോക്കിയാണ് വിളയുടെ പക്വത നിർണ്ണയിക്കുന്നത്.
വിളവെടുക്കുമ്പോൾ ചെടി പിഴുതെടുക്കാൻ ആവശ്യമായ ഈർപ്പം മാത്രം നിലനിർത്തിക്കൊണ്ട് കൃഷിയിടം ഭാഗികമായി ഉണക്കണം.
വേരോടെ പിഴുതെടുക്കുന്ന ചെടിയുടെ വേര്ഭാഗം വെള്ളത്തിൽ കഴുകി 5 മുതൽ 7.5 സെ.മീ. നീളത്തിൽ മുറിച്ച് നാരുകളുള്ള വേരുകൾ നീക്കം ചെയ്ത ശേഷം തണലിൽവെച്ച് ഉണക്കിയെടുക്കുന്നു.
വയമ്പിന്റെ വിപണിവില ഇപ്പോൾ മികച്ച രീതിയിൽ ഉയർന്നിട്ടുണ്ട്. കിലോയ്ക്ക് 90-100 രൂപ വരെ ഉണ്ടായിരുന്നത് ഇപ്പോൾ 175-200 രൂപ വരെ ആയി വർദ്ധിച്ചിട്ടുണ്ട്.

🥭 പ്രകൃതിയുടെ മധുരം... 100% ഓർഗാനിക്! 🥭

ഗ്രീൻ വില്ലേജിൽ നിന്നും നാടൻ മല്ലിക മാമ്പഴം

രാസവളങ്ങളോ കീടനാശിനികളോ തൊട്ടുതീണ്ടാത്ത നമ്മുടെ സ്വന്തം പറമ്പിലെ മല്ലിക മാമ്പഴം. കാർബൈഡ് വെക്കാതെ സ്വാഭാവികമായി പഴുപ്പിച്ചെടുത്തത്. അതിമനോഹരമായ സുഗന്ധവും തേൻമധുരവും!

വിലവിവരങ്ങൾ (കൊറിയർ ചാർജ് ഉൾപ്പെടെ):