മാങ്കോസ്റ്റിൻ പഴങ്ങളിൽ മഞ്ഞ നിറത്തിലുള്ള കറ കാണുന്നുണ്ടോ?
ഗാമ്പോജ് എന്ന ഈ അവസ്ഥയ്ക്ക് പരിഹാരമുണ്ട്!

പഴങ്ങളെ ചവർപ്പുള്ളതാക്കി മാറ്റുന്ന ഈ പ്രതിഭാസത്തിന്റെ കാരണങ്ങളും പ്രതിവിധിയും അറിയാം 🌳

🌱 ഫലവൃക്ഷ കൃഷി | Mangosteen Gamboge Control

മാങ്കോസ്റ്റിൻ കൃഷി ചെയ്യുന്ന കർഷകരെ അലട്ടുന്ന ഒരു പ്രധാന പ്രശ്നമാണ് പഴങ്ങളിൽ കാണുന്ന മഞ്ഞ നിറത്തിലുള്ള കറ. പാകമാകുമ്പോൾ കുടംപുളിയുടെ കാരം പോലെ ഈ മഞ്ഞക്കാരം വന്ന് പഴങ്ങൾ ഉപയോഗിക്കാൻ പറ്റാതെ വരുന്നു. മാങ്കോസ്റ്റീൻ പഴത്തിന്റെ വിൽപ്പനയെ ഏറെ പ്രതികൂലമായി ബാധിക്കുന്ന ഒരു പ്രത്യേക അവസ്ഥയാണിത്. ഗാമ്പോജ് (Gamboge) എന്നാണ് ഈ അവസ്ഥയുടെ പേര്.

എന്താണ് ഈ ഗാമ്പോജ് (Gamboge)? 🍂

ഇതൊരു രോഗമല്ല, മറിച്ച് പഴത്തിന്റെ ഒരു പ്രത്യേക അവസ്ഥ മാത്രമാണ്. കാൽസ്യം എന്ന മൂലകത്തിന്റെ അളവ് പഴത്തിൻ്റെ പുറംതോടിൽ കുറയുമ്പോഴാണ് ഗാമ്പോജ് വരുന്നത്.
ഫലത്തിന്റെ കോശങ്ങളെ ദൃഢമായി മുറുകെ ബന്ധിപ്പിച്ച് കോശഭിത്തിക്ക് ശക്തി നൽകി നിലനിർത്തുന്നത് കാൽസ്യമാണ്. ഇതിന്റെ അളവിൽ കുറവുണ്ടാകുമ്പോൾ പഴത്തിന്റെ പുറംതോടിലെ നാളികൾ പൊട്ടി കയ്‌പും ചവർപ്പുമുള്ള മഞ്ഞ സസ്യരസം അല്ലികളിലേക്കും പുറംതോടിലും വ്യാപിക്കുന്നു.
ഇത് നിശ്ചയമായും പഴങ്ങളെ ചവർപ്പുള്ളതാക്കി മാറ്റുകയും അവയെ ഉപയോഗശൂന്യമാക്കുകയും ചെയ്യും. ഇത്തരം പഴങ്ങൾ വിപണിയിൽ വിറ്റുപോകില്ല.
കാലാവസ്ഥാ വ്യതിയാനങ്ങൾ, കൃഷിയിടത്തിലുണ്ടാകുന്ന വെള്ളക്കെട്ട്, കാലം തെറ്റി തുടരെ പെയ്യുന്ന കനത്ത മഴ, ഭൂജലനിരപ്പിലെ വ്യതിയാനങ്ങൾ, അമിതമായി നേരിട്ട് വെയിൽ കൊള്ളുക എന്നിവയൊക്കെ ഇതിന് കാരണമാകാറുണ്ട്.

പരിഹാരമാർഗ്ഗങ്ങൾ 🛡️

ആദ്യമായി ചെയ്യേണ്ടത് മരത്തടത്തിലെ വെള്ളക്കെട്ടൊഴിവാക്കുക എന്നതാണ്.
മാങ്കോസ്റ്റിൻ മരത്തിൽ പൂമൊട്ടുകൾ ഉണ്ടാകുമ്പോൾ മുതൽ തടത്തിൽ കുമ്മായം ചേർത്ത് കാൽസ്യത്തിൻ്റെ കുറവ് പരിഹരിക്കാവുന്നതാണ്. ഇതിനായി മരമൊന്നിന് 500 മുതൽ 600 ഗ്രാം വരെ കുമ്മായം നാലോ അഞ്ചോ തവണകളായി പൂ വിടരും മുൻപുതന്നെ ചേർക്കേണ്ടതാണ്.
കൂടാതെ കാൽസ്യം നൈട്രേറ്റ് അഞ്ച് ഗ്രാം ഒരു ലിറ്റർ വെള്ളത്തിൽ എന്ന തോതിൽ നേർപ്പിച്ചു മരത്തിൽ തളിക്കുന്നതും വളരെ ഫലപ്രദമാണ്.

🥭 പ്രകൃതിയുടെ മധുരം... 100% ഓർഗാനിക്! 🥭

ഗ്രീൻ വില്ലേജിൽ നിന്നും നാടൻ മല്ലിക മാമ്പഴം

രാസവളങ്ങളോ കീടനാശിനികളോ തൊട്ടുതീണ്ടാത്ത നമ്മുടെ സ്വന്തം പറമ്പിലെ മല്ലിക മാമ്പഴം. കാർബൈഡ് വെക്കാതെ സ്വാഭാവികമായി പഴുപ്പിച്ചെടുത്തത്. അതിമനോഹരമായ സുഗന്ധവും തേൻമധുരവും!

വിലവിവരങ്ങൾ (കൊറിയർ ചാർജ് ഉൾപ്പെടെ):