കല്ലിയൂരിലെ നെടിഞ്ഞിൽ പാടത്ത് കർപ്പൂരവള്ളി എന്നയിനം വാഴ കൃഷിചെയ്യുന്ന അശോകൻ എന്ന കർഷകനെ കണ്ടു. കല്ലിയൂരിലെ പച്ചക്കറി ഗ്രാമമാണ് നെടിഞ്ഞിൽ. നെടിഞ്ഞിൽ പാടത്തിനരികിലെ റോഡിലൂടെ യാത്രചെയ്യുമ്പോൾ പാടത്ത് കർപ്പൂരവള്ളി വാഴ കുലച്ചു നിൽക്കുന്ന കാഴ്ച്ച കൗതുകം ഉണർത്തുന്നതാണ്. ഇന്ന് ആ കർഷകനെ നേരിൽ കാണുവാൻ കഴിഞ്ഞു. നല്ല രുചിയും , നല്ല വലിപ്പവുമുള്ള കുലകൾ ലഭിക്കുന്നു എന്നതാണ് ഈ വാഴയിനത്തിൻ്റെ പ്രത്യേകത. 25 മുതൽ 50 കിലോ വരെ തൂക്കമുള്ള കർപ്പൂരവള്ളി വാഴക്കുലകൾ വിളവെടുക്കുവാൻ കഴിഞ്ഞു എന്നാണ് കർഷകൻ പറഞ്ഞത്. തമിഴ്നാട്ടിലെ കന്യാകുമാരി ജില്ലയിലും, തിരുന്നൽവേലി ജില്ലയിലും കർപ്പുരവള്ളി എന്ന വാഴയിനം വ്യാപകമായി കൃഷിചെയ്യുന്നുണ്ട്. എല്ലാവരും ഇഷ്ടപ്പെടുന്ന പഞ്ചാരമധുര മുള്ള വാഴയിനമാണിത്.
