ബ്യുവേറിയ ബസിയാന (Beauveria Bassiana);
സസ്യങ്ങളെ ആക്രമിക്കുന്ന കീടങ്ങൾക്ക് ഇനി രക്ഷയില്ല!

രാസകീടനാശിനികൾക്ക് മികച്ചൊരു പരിസ്ഥിതി സൗഹൃദ ബദൽ; ഈ മിത്രകുമിളിനെ അടുത്തറിയാം 🌿

🌱 ജൈവ കീടനാശിനി | Bio-Pesticide

സസ്യങ്ങളെ ആക്രമിക്കുന്ന ഒട്ടുമിക്ക കൃമികീടങ്ങളെയും പ്രതിരോധിക്കാൻ കെൽപ്പുള്ള, മണ്ണിൽ സ്വാഭാവികമായി കാണുന്ന ഒരുതരം ഫംഗസ് ആണ് ബ്യുവേറിയ ബസിയാന (Beauveria Bassiana). കീടങ്ങളിൽ രോഗമുണ്ടാക്കി അവയെ കൊല്ലുകയാണ് ഈ മിത്ര കുമിളിന്റെ രീതി. ഈ രോഗത്തെ "വൈറ്റ് മസ്കാർഡിൻ രോഗം" (White Muscardine Disease) എന്ന് വിളിക്കുന്നു. ഏതെങ്കിലും പ്രത്യേക സസ്യങ്ങൾക്ക് മാത്രമായി പരിമിതപ്പെടുത്താത്തതിനാൽ, കീടബാധയുള്ള മിക്കവാറും എല്ലാ ചെടികളിലും ഇത് ധൈര്യമായി ഉപയോഗിക്കാം.

എങ്ങനെയാണ് ഇത് പ്രവർത്തിക്കുന്നത്? 🦠

ബ്യുവേറിയ ബസിയാനയുടെ സ്പോറുകൾ കീടങ്ങളുടെ ശരീരത്തിൽ പതിക്കുമ്പോൾ, അത് മുളച്ച് കീടത്തിൻ്റെ പുറംതോട് തുളച്ച് ഉള്ളിൽ പ്രവേശിക്കുന്നു.
ശരീരത്തിനുള്ളിൽ ഫംഗസ് വളരുകയും പെരുകുകയും ചെയ്യും. ഇത് കീടത്തിൻ്റെ രക്തത്തിൽ നിന്ന് പോഷകങ്ങൾ വലിച്ചെടുക്കുകയും, ടോക്സിനുകൾ (വിഷവസ്തുക്കൾ) ഉത്പാദിപ്പിക്കുകയും ചെയ്യുന്നു.
ഇത് കീടത്തിൻ്റെ പ്രതിരോധശേഷി കുറയ്ക്കുകയും ഒടുവിൽ അവയെ കൊല്ലുകയും ചെയ്യുന്നു. കീടങ്ങളെ കൊല്ലാൻ ഇതിന് ഏകദേശം 3 മുതൽ 5 ദിവസം വരെ സമയം ആവശ്യമാണ് (അന്തരീക്ഷ താപനിലയെ ആശ്രയിച്ചിരിക്കും).
കീടം നശിച്ചതിന് ശേഷം, ഫംഗസ് കീടത്തിൻ്റെ പുറത്ത് വളർന്ന് വെളുത്ത പൂപ്പൽ പോലെ കാണപ്പെടുകയും കൂടുതൽ സ്പോറുകൾ ഉത്പാദിപ്പിക്കുകയും ചെയ്യുന്നു.

ഏതെല്ലാം കീടങ്ങളെ നശിപ്പിക്കും? 🐛

ചിതൽ, ഇലപ്പേൻ, വെള്ളീച്ച, എഫിഡ്, വണ്ടുകൾ, മൂട്ട തുടങ്ങിയ ഷഡ്പദങ്ങളെ നശിപ്പിക്കുന്നതിന് ഇതിന് സാധിക്കും. ഇല തീനിപ്പുഴുക്കൾ, കൊമ്പൻ ചെല്ലി വരെയുള്ള എല്ലാ കൃമി കീടങ്ങളുടെയും ലാർവകളെയും ഇത് നശിപ്പിക്കും. മൂട്ടയെയും കൊതുകിനെയും വരെ നിയന്ത്രിക്കുന്നതിന് ബ്യുവേറിയ പ്രയോജനപ്പെടുത്താം.

ലഭ്യത: ദ്രാവക രൂപത്തിലോ പൊടി രൂപത്തിലോ മിക്ക അഗ്രി ഷോപ്പുകളിലും ഇത് ലഭ്യമാണ് (വാങ്ങുമ്പോൾ എക്സ്പയറി ഡേറ്റ് ശ്രദ്ധിക്കുക).

ഉപയോഗിക്കേണ്ട രീതി 💧

ഇത് ഇലകളിൽ തളിക്കുകയോ, മണ്ണിൽ ഒഴിക്കുകയോ, ഡ്രിപ്പ് ഇറിഗേഷൻ വഴി നൽകുകയോ ചെയ്യാം.

സ്പ്രേ ചെയ്യാൻ: 1 ലിറ്റർ വെള്ളത്തിൽ 5 മില്ലി ലിറ്റർ (അല്ലെങ്കിൽ 20 ഗ്രാം) ബ്യുവേറിയ കലക്കുക. ക്ലോറിൻ കലരാത്ത ശുദ്ധജലം (മഴവെള്ളം അല്ലെങ്കിൽ തിളപ്പിച്ചാറിയ വെള്ളം) ഉപയോഗിക്കണം. ഇതിൽ അൽപം കഞ്ഞിവെള്ളം ചേർക്കുന്നത് ഫലം കൂട്ടും. വെള്ളം തെളിഞ്ഞു കഴിയുമ്പോൾ അതിരാവിലെയോ വൈകിട്ടോ ഇലകളിൽ തളിക്കുക.
മണ്ണിൽ ഒഴിക്കാൻ: ഇതേ അളവിൽ കലക്കിയ തെളിഞ്ഞ വെള്ളം ഓരോ കപ്പു വീതം ചെടികളുടെ ചുവട്ടിൽ ഒഴിക്കാം. കലക്കിയ പാത്രത്തിൽ മിച്ചം വരുന്ന കൊഴുത്ത അവശിഷ്ടവും ചെടികളുടെ കടയ്ക്കൽ ഒഴിക്കാം. കായീച്ചയുടെ ലാർവകളെയും നിമാ വിരകളെയും അത് കൊന്നൊടുക്കും.

പ്രത്യേകം ശ്രദ്ധിക്കേണ്ട കാര്യങ്ങൾ ⚠️

പൂക്കളിൽ വീഴരുത്: സ്പ്രേ ചെയ്യുമ്പോൾ പുഷ്പങ്ങളിൽ വീഴാതെ നോക്കണം. പരാഗണം നടത്താൻ എത്തുന്ന തേനീച്ചകളും മിത്ര പ്രാണികളും ചത്തൊടുങ്ങാൻ ഇത് കാരണമാകും.
മത്സ്യങ്ങളെ ദോഷകരമായി ബാധിക്കുമെന്നതിനാൽ ജലസ്രോതസുകളുമായി ഇത് കലർത്തരുത്.
രാസവളങ്ങൾ, കുമ്മായം, ചാരം എന്നിവ ഉപയോഗിച്ചതിന് ശേഷം കുറഞ്ഞത് 10 ദിവസമെങ്കിലും കഴിഞ്ഞിട്ടേ ബ്യുവേറിയ ഉപയോഗിക്കാവൂ.
നേരിട്ടുള്ള സൂര്യപ്രകാശം ഏൽക്കാത്ത തണുത്ത സ്ഥലത്ത് സൂക്ഷിക്കുക. കൂടിയ ഈർപ്പവും മിതമായ താപനിലയുമാണ് ഇതിന് അനുയോജ്യം.
ചുരുങ്ങിയത് ആഴ്ചയിൽ ഒരു തവണയെങ്കിലും സ്പ്രേ ചെയ്യണം. ഉപയോഗിക്കുമ്പോൾ മാസ്ക്കും കയ്യുറയും ധരിക്കുന്നത് നല്ലതാണ്.

🔥 ഇലക്ഷൻ റിസൾട്ട് അറിയാൻ ഇനി റിമോട്ട് തപ്പി നടക്കണ്ട! 🔥

വാർത്താ ചാനലുകൾ മാറിമാറി കണ്ട് മടുത്തോ? കേരളത്തിലെ പ്രമുഖ വാർത്താ ചാനലുകളെല്ലാം ഇനി ഒരൊറ്റ ലിങ്കിൽ! 📺👇

ഏഷ്യാനെറ്റ്, 24 ന്യൂസ്, മനോരമ, റിപ്പോർട്ടർ, മാതൃഭൂമി, മീഡിയവൺ... നിങ്ങൾക്ക് ഇഷ്ടമുള്ള ചാനൽ ഒരൊറ്റ വിരൽത്തുമ്പിൽ തിരഞ്ഞെടുത്ത് തത്സമയം വോട്ടെണ്ണൽ കാണാം.

📺 തത്സമയം കാണാൻ ഇവിടെ ക്ലിക്ക് ചെയ്യുക

ഹൈഡ്രോപോണിക്സ്, അക്വാപോണിക്സ് ഓൺലൈ പരിശീലനം! 🎓

കുറഞ്ഞ സ്ഥലത്ത് മണ്ണില്ലാതെ കൃഷി ചെയ്യാൻ വിദഗ്ദ്ധരിൽ നിന്നും നേരിട്ട് പഠിക്കാം.

🗓️ തീയതി: 2026 മെയ് 13 (ബുധനാഴ്ച)
⏰ സമയം: രാത്രി 7:00 മുതൽ 9:00 വരെ
👨‍🏫 ക്ലാസ് നയിക്കുന്നത്: അർഷദ് സാർ (മണ്ണുത്തി ഫാം ഓഫീസർ)
💻 മോഡ്: ഓൺലൈൻ പ്ലാറ്റ്ഫോം വഴി
💰 കോഴ്സ് ഫീസ്: ₹149/-

പേയ്‌മെന്റ് വിവരങ്ങൾ (₹149 GPay/UPI ചെയ്യുക):

🔹 Google Pay: 9656658737
🔹 UPI ID: greenvillagechannel@oksbi
🔹 Bank: Federal Bank (A/c: 99980107942893, IFSC: FDRL0001427, Name: MUHAMMED MUHSIN PT)

⚠️ ശ്രദ്ധിക്കുക: പണം അടച്ച ശേഷം സ്ക്രീൻഷോട്ട് 9656658737 എന്ന നമ്പറിലേക്ക് വാട്സാപ്പ് ചെയ്യുക.

👉 ഇവിടെ ക്ലിക്ക് ചെയ്ത് രജിസ്റ്റർ ചെയ്യുക 👈