രോഗപ്രതിരോധത്തിനും മുഖകാന്തിക്കും ഉത്തമം:
ചെറുപയർ നൽകുന്ന ആരോഗ്യ ഗുണങ്ങൾ ചെറുതല്ല!

പയർവർഗ്ഗങ്ങളിൽ ഏറ്റവും ശ്രേഷ്ഠമായ ചെറുപയറിന്റെ അത്ഭുത സിദ്ധികൾ 🍲

🌱 ആരോഗ്യവും ഭക്ഷണവും | Green Gram Benefits

ദേഹബലവും ദഹനശക്തിയും വർധിപ്പിക്കുന്ന ധാന്യമാണ് ചെറുപയർ. പയർവർഗങ്ങളിൽ ഏറ്റവും ശ്രേഷ്‌ഠവും, എളുപ്പത്തിൽ ദഹിക്കുന്നതുമായ ചെറുപയർ രോഗികൾക്കും ക്ഷീണാവസ്ഥയിലുള്ളവർക്കും മികച്ചൊരു ആഹാരവും ഔഷധവുമാണ്. വെള്ള, മഞ്ഞ, പച്ച, ചുവപ്പ്, കറുപ്പ് എന്നിങ്ങനെ അഞ്ചു തരം ചെറുപയറുകളിൽ പച്ചനിറത്തിലുള്ളതാണ് ഏറ്റവും മികച്ചതെന്ന് ആയുർവേദം സാക്ഷ്യപ്പെടുത്തുന്നു.

ആരോഗ്യ സംരക്ഷണത്തിന് ചെറുപയർ 💪

വിത്തിൽ അൽബുമിനോയ്‌ഡ്, സ്‌റ്റാർച്ച്, കൊഴുപ്പ്, നാരുകൾ, ഇരുമ്പ്, മഗ്നീഷ്യം, പൊട്ടാസ്യം, എളുപ്പം ദഹിക്കുന്ന പ്രോട്ടീൻ എന്നിവ അടങ്ങിയിട്ടുണ്ട്.
ചെറുപയർ തിളപ്പിച്ച വെള്ളം (സൂപ്പ്) കുടിച്ചാൽ മെലിഞ്ഞ ശരീരം തടിക്കും. ഉപ്പും കുരുമുളകുപൊടിയും ചേർത്തുണ്ടാക്കുന്ന സൂപ്പ് ദിവസവും സേവിക്കുന്നത് ദഹനശക്തി കൂട്ടും.
മുളപ്പിച്ച ചെറുപയർ മഞ്ഞൾപ്പൊടിയും എള്ളെണ്ണയും ചേർത്ത് ആവിയിൽ വേവിച്ചു സേവിക്കുന്നത് ശരീരബലം കൂട്ടാൻ നല്ലതാണ്.
ചെറുപയർ പശുവിൻ പാൽ ചേർത്ത് വേവിച്ചശേഷം ശർക്കര ചേർത്തു കഴിക്കുന്നത് മികച്ചൊരു എനർജി ഡ്രിങ്ക് (Energy drink) ആണ്.

സൗന്ദര്യവർധനയ്ക്ക് മാന്ത്രികക്കൂട്ട് ✨

കസ്തൂരിമഞ്ഞൾ അരച്ച് ചെറുപയർപൊടി ചേർത്തു ചാലിച്ച് മുഖത്തു പുരട്ടി 10-15 മിനിറ്റിനു ശേഷം കഴുകിക്കളയുന്നത് മുഖക്കുരു ശമിപ്പിക്കും.
ഓരോ ടീസ്‌പൂൺ വീതം ചെറുപയർപൊടി, ചെറു നാരങ്ങാനീര്, തൈര്, തേൻ എന്നിവ ചേർത്ത് കുഴമ്പുരൂപത്തിലാക്കി മുഖത്തു പുരട്ടുന്നത് കറുത്ത പാടുകൾ മാറ്റി മുഖകാന്തി കൂട്ടും.
ചെറുപയർപൊടി പാലിൽ ചാലിച്ച് നാരങ്ങാനീരും അൽപം മഞ്ഞൾപ്പൊടിയും ചേർത്ത് പുരട്ടുന്നത് സ്ത്രീകളിൽ മുഖരോമം വളരുന്നതു തടയും.
ചെറുപയർ പൊടിച്ച് താളിയായി തലയിലും കുളിക്കുമ്പോൾ ദേഹത്തും തേയ്ക്കുന്നത് താരൻ മാറാനും ദേഹകാന്തി വർധിക്കാനും ഉപകരിക്കും.