മഞ്ഞൾ കൃഷിയിൽ മികച്ച വിളവ് നേടാം;
നിലമൊരുക്കുമ്പോഴും വളമിടുമ്പോഴും ഇക്കാര്യങ്ങൾ ശ്രദ്ധിക്കുക!

ഗ്രോബാഗിലും പറമ്പിലും ഒരുപോലെ കൃഷി ചെയ്യാവുന്ന മഞ്ഞളിന്റെ ശാസ്ത്രീയ കൃഷിരീതികൾ 🌿

🌱 സുഗന്ധവിളകൾ | Turmeric Cultivation

ചൂടുള്ള കാലാവസ്ഥയും ഈർപ്പമുള്ള അന്തരീക്ഷവും ധാരാളം മഴകിട്ടുന്നതുമായ പ്രദേശങ്ങളിൽ വളരെ എളുപ്പത്തിൽ ചെയ്യാവുന്ന കൃഷിയാണ് മഞ്ഞൾ. തണലിടങ്ങളിലും നന്നായി വളരുമെന്നതിനാൽ വീട്ടുവളപ്പുകളിലും തെങ്ങിൻതോപ്പിൽ ഉത്തമ ഇടവിളയായും ഇത് വളർത്താവുന്നതാണ്. മികച്ച വിളവ് ലഭിക്കാൻ നിലമൊരുക്കുമ്പോഴും വളപ്രയോഗം നടത്തുമ്പോഴും ശ്രദ്ധിക്കേണ്ട കാര്യങ്ങൾ എന്തെല്ലാമെന്ന് നോക്കാം.

നിലമൊരുക്കലും വിത്ത് നടീലും 🪴

ഏപ്രിൽ-മേയ് മാസങ്ങളിൽ ഒന്നോ രണ്ടോ നല്ല മഴ കിട്ടുന്നതോടെ മഞ്ഞൾ നടാവുന്നതാണ്. തയ്യാറാക്കിയ വാരങ്ങളിൽ 25x25 സെ.മീ. അകലത്തിൽ ചെറിയ കുഴികളെടുത്ത് മുള മുകളിലേക്കാക്കി വേണം വിത്തുമഞ്ഞൾ നടാൻ.
ഒരു സെൻ്റിൽ നടാൻ ഏകദേശം എട്ടുകിലോ വിത്ത് ആവശ്യമാണ്. തള്ളവിത്തോ പിള്ളവിത്തോ (ചെറുവിത്ത്) നടാനായി ഉപയോഗിക്കാം. ഏകദേശം 20 ഗ്രാം തൂക്കമുള്ള വിത്താണ് നടാൻ ഏറ്റവും നല്ലത്.
നട്ടുകഴിഞ്ഞു മണ്ണോ ഉണങ്ങിയ ചാണകപ്പൊടിയോ കൊണ്ട് മൂടിയ ശേഷം കനത്തിൽ പച്ചിലകൊണ്ട് പുതയിടാൻ പ്രത്യേകം ശ്രദ്ധിക്കണം.

വളപ്രയോഗം എങ്ങനെ? 💩

അടിവളം: മൂന്നുമീറ്റർ നീളവും ഒന്ന്-ഒന്നേകാൽ മീറ്റർ വീതിയുമുള്ള തടങ്ങളെടുത്ത് അതിലാണ് ജൈവവളങ്ങൾ ചേർക്കേണ്ടത്. ഒരു സെന്റിന് 80 കിലോ ചാണകം, 15 കിലോ മണ്ണിരക്കമ്പോസ്റ്റ്, എട്ടുകിലോ വേപ്പിൻപിണ്ണാക്ക്, നാലുകിലോ ചാരം, 500 ഗ്രാം രാജ്ഫോസ്, 200 ഗ്രാം പൊട്ടാഷ്വളം എന്നിവ ചേർത്താണ് അടിവളം തയ്യാറാക്കേണ്ടത്.
മേൽവളം: ഇതേ തടങ്ങളിൽ രണ്ടുമാസം കഴിയുമ്പോൾ കളകൾ നീക്കി ഒരു സെൻ്റിന് 260 ഗ്രാം യൂറിയയും 200 ഗ്രാം പൊട്ടാഷും ചേർത്ത് മണ്ണുകയറ്റി വീണ്ടും പച്ചില പുതയ്ക്കാം.
വിളവെടുപ്പ്: ജനുവരി മുതൽ മാർച്ച് വരെയുള്ള കാലത്താണ് പ്രധാനമായും വിളവെടുപ്പ് നടത്തുന്നത്. നട്ട ഇനത്തിൻ്റെ മൂപ്പനുസരിച്ചു ഇതിൽ ചെറിയ വ്യത്യാസങ്ങൾ വന്നേക്കാം.

ഗ്രോബാഗിലെ കൃഷിയും മറ്റ് ഇനങ്ങളും 🌾

ഗ്രോബാഗിലും മഞ്ഞൾ വളരെ മികച്ച രീതിയിൽ വളർത്താം. ഒരുഭാഗം മേൽമണ്ണ്, 100 ഗ്രാം എല്ലുപൊടി, കുറച്ച് വേപ്പിൻപിണ്ണാക്ക്, രണ്ടുപിടി ചാരം എന്നിവ ചേർത്താണ് വളർച്ചാമിശ്രിതം തയ്യാറാക്കേണ്ടത്.
ഗ്രോബാഗിൽ അമിതമായി നനയ്ക്കാതിരിക്കാൻ ശ്രദ്ധിക്കണം. ഇടയ്ക്ക് വേപ്പിൻപിണ്ണാക്ക് വെള്ളത്തിൽ കലർത്തി രണ്ടുദിവസം വെച്ചിട്ട് തെളിയൂറ്റി ചെടികളിൽ തളിച്ചാൽ അത് വളവും കീടനാശിനിയുമായി പ്രവർത്തിക്കും.
മഞ്ഞളിന്റെ കുടുംബത്തിൽപ്പെട്ട മറ്റ് പ്രധാന വിളകളാണ് കരിമഞ്ഞൾ, കസ്‌തൂരിമഞ്ഞൾ, മഞ്ഞക്കൂവ, മാങ്ങായിഞ്ചി എന്നിവ. കരിമഞ്ഞൾ ഒരു മികച്ച ഔഷധവിളയും, കസ്തൂരിമഞ്ഞൾ ചർമസംരക്ഷണത്തിന് അത്യുത്തമവുമാണ്. മഞ്ഞക്കൂവ അന്നജസമൃദ്ധമായ കൂവപ്പൊടിയുടെ ഉറവിടമാണ്.

🥭 പ്രകൃതിയുടെ മധുരം... 100% ഓർഗാനിക്! 🥭

ഗ്രീൻ വില്ലേജിൽ നിന്നും നാടൻ മല്ലിക മാമ്പഴം

രാസവളങ്ങളോ കീടനാശിനികളോ തൊട്ടുതീണ്ടാത്ത നമ്മുടെ സ്വന്തം പറമ്പിലെ മല്ലിക മാമ്പഴം. കാർബൈഡ് വെക്കാതെ സ്വാഭാവികമായി പഴുപ്പിച്ചെടുത്തത്. അതിമനോഹരമായ സുഗന്ധവും തേൻമധുരവും!

വിലവിവരങ്ങൾ (കൊറിയർ ചാർജ് ഉൾപ്പെടെ):