മാവിൻ്റെ തടിയിൽ നിന്നും പശപോലെ കറയൊലിക്കുന്നുണ്ടോ?
മാവ് ഉണങ്ങി നശിക്കാൻ കാരണമാകുന്ന 'ഗമോസിസ്' രോഗത്തെ പ്രതിരോധിക്കാം!

കുമിൾ രോഗമായ കറചാട്ടത്തിന്റെ ലക്ഷണങ്ങളും ഫലപ്രദമായ ചികിത്സാ രീതികളും 🌳

🌱 കാർഷിക സംശയങ്ങൾ | Mango Tree Gummosis

വീട്ടുമുറ്റത്തെ മാവിന്റെ കടയ്ക്കൽനിന്ന് കാപ്പിനിറത്തിൽ പശദ്രാവകം വന്നുകൊണ്ടിരിക്കുന്നത് പലരും കാണാറുണ്ട്. മാവിന്റെ കറചാട്ടം അഥവാ 'ഗമോസിസ്' എന്നുപേരായ കുമിൾരോഗമാണിത്. യഥാസമയം നിയന്ത്രിച്ചില്ലെങ്കിൽ മാവുതന്നെ നശിച്ചുപോകാൻ കാരണമാകുന്ന ഈ രോഗത്തിന്റെ ലക്ഷണങ്ങളും പ്രതിവിധികളും എന്തെല്ലാമെന്ന് നോക്കാം.

എന്താണ് ഗമോസിസ് (കറചാട്ടം) രോഗം? 🍂

മാവിൻ്റെ തടിയിലുണ്ടാകുന്ന വിള്ളലുകളിലൂടെ ബ്രൗൺ നിറത്തിൽ പശദ്രാവകം തുള്ളികളായി ഊറിവരുന്നതാണ് ഗമോസിസ് രോഗത്തിന്റെ തുടക്കം.
യഥാസമയം നിയന്ത്രിച്ചില്ലെങ്കിൽ മാവിൻ്റെ പ്രതലം മുഴുവൻ ഇത് വ്യാപിച്ച് പുറംതൊലി പൊട്ടി വെടിച്ചുകീറി കറ ഒലിച്ച് തടി പൂർണമായി ഉണങ്ങി മാവുതന്നെ നശിക്കും.
നീർവാർച്ച കുറഞ്ഞ മണ്ണിൽ കൂടുതലായി കാണുന്നതിനാൽ, മാവിൻ്റെ ചുവട്ടിൽ നല്ല നീർവാർച്ച ഉറപ്പാക്കേണ്ടത് പ്രധാനമാണ്. ഡിസംബർ മുതൽ ജനുവരി വരെയുള്ള മാസങ്ങളിലാണ് ഈ രോഗം കൂടുതലായി കണ്ടുവരുന്നത്.

എങ്ങനെ ചികിത്സിക്കാം? 🧪

പശ കാണുന്ന നിറംമാറ്റം സംഭവിച്ച ഭാഗം ആദ്യം തന്നെ ചെത്തിവൃത്തിയാക്കണം. ഉള്ളിൽ ആരോഗ്യമുള്ള തടി കാണുംവിധം വേണം വൃത്തിയാക്കാൻ.
വൃത്തിയാക്കിയ ഈ ഭാഗം നനവുമാറി ഉണങ്ങാൻ അനുവദിക്കുക.
ഉണങ്ങിയ ശേഷം ബോർഡോ കുഴമ്പോ, അല്ലെങ്കിൽ കോപ്പർ ഓക്‌സി ക്ലോറൈഡ് മൂന്നുഗ്രാം ഒരുലിറ്റർ വെള്ളത്തിൽ കലർത്തിയ മിശ്രിതമോ ഉപയോഗിച്ച് നന്നായി തേച്ചുപിടിപ്പിക്കുക.

പ്രതിരോധവും മുൻകരുതലുകളും 🛡️

മഴയ്ക്കുമുമ്പുള്ള സമയത്ത് മാവിൻ്റെ അടിഭാഗം വൃത്തിയാക്കി (താഴെനിന്ന് 45-60 സെൻ്റീമീറ്റർ ഉയരം വരെ) ബോർഡോ കുഴമ്പ് പെയിന്റുചെയ്യുന്നതുപോലെ തേച്ചുപിടിപ്പിക്കുക. ഇതൊരു മികച്ച പ്രതിരോധനടപടിയാണ്.
രോഗലക്ഷണം കാണിക്കുന്ന ശിഖരം ഉണ്ടെങ്കിൽ, അത് രണ്ടിഞ്ചുതാഴെവെച്ച് മുറിച്ചുമാറ്റുക.
ഒപ്പം ബോർഡോ മിശ്രിതമോ കോപ്പർ ഓക്സി ക്ലോറൈഡോ മാവാകെ സ്പ്രേ ചെയ്യുന്നതും നല്ലതാണ്.

🥭 പ്രകൃതിയുടെ മധുരം... 100% ഓർഗാനിക്! 🥭

ഗ്രീൻ വില്ലേജിൽ നിന്നും നാടൻ മല്ലിക മാമ്പഴം

രാസവളങ്ങളോ കീടനാശിനികളോ തൊട്ടുതീണ്ടാത്ത നമ്മുടെ സ്വന്തം പറമ്പിലെ മല്ലിക മാമ്പഴം. കാർബൈഡ് വെക്കാതെ സ്വാഭാവികമായി പഴുപ്പിച്ചെടുത്തത്. അതിമനോഹരമായ സുഗന്ധവും തേൻമധുരവും!

വിലവിവരങ്ങൾ (കൊറിയർ ചാർജ് ഉൾപ്പെടെ):