വളം നൽകിയിട്ടും ചെടികൾ വളരുന്നില്ലേ?
മികച്ച വിളവിന് മണ്ണിൽ 'ചുണ്ണാമ്പുകല്ല്' പ്രയോഗിക്കാം!

മണ്ണിലെ പുളിരസം മാറ്റാനും പോഷകങ്ങൾ ലഭ്യമാക്കാനും കർഷകർ അറിഞ്ഞിരിക്കേണ്ട കാര്യങ്ങൾ 🌿

🌱 കാർഷിക അറിവുകൾ | Agricultural Limestone

കേരളത്തിലെ മണ്ണിൽ കൃഷിയിറക്കുമ്പോൾ കർഷകർ നേരിടുന്ന പ്രധാന വെല്ലുവിളികളിലൊന്നാണ് മണ്ണിന്റെ അമിതമായ അമ്ലത്വം അഥവാ പുളിരസം. മണ്ണിൽ അമ്ലത്വം കൂടുമ്പോൾ നമ്മൾ നൽകുന്ന വളങ്ങൾ കൃത്യമായി വലിച്ചെടുക്കാൻ ചെടികൾക്ക് സാധിക്കാതെ വരുന്നു. ഈ പ്രശ്നത്തിന് പരിഹാരമായി പണ്ടുകാലം മുതലേ കൃഷിയിൽ ഉപയോഗിച്ചുവരുന്ന ഒന്നാണ് അഗ്രികൾച്ചറൽ ലൈംസ്റ്റോൺ (Agricultural Limestone) അഥവാ ചുണ്ണാമ്പുകല്ല്. കാൽസ്യം കാർബണേറ്റ് (CaCO3) പ്രധാന ഘടകമായുള്ള ഈ പ്രകൃതിദത്ത ശിലകൾ മണ്ണിന്റെ ഗുണനിലവാരം മെച്ചപ്പെടുത്തുന്നതിൽ വലിയ പങ്കുവഹിക്കുന്നു.

എങ്ങനെയാണ് ഇവ രൂപപ്പെടുന്നത്? 🌊

സമുദ്രത്തിനടിയിൽ വർഷങ്ങളോളം അടിഞ്ഞുകൂടുന്ന കക്കകൾ, പവിഴപ്പുറ്റുകൾ, മറ്റ് സൂക്ഷ്മജീവികളുടെ അവശിഷ്ടങ്ങൾ എന്നിവയിൽ നിന്നാണ് പ്രധാനമായും ചുണ്ണാമ്പുകല്ല് രൂപപ്പെടുന്നത്. ഇത് കരയിലും രൂപപ്പെടാറുണ്ട്.
കേരളത്തിൽ പാലക്കാട് ജില്ലയിലാണ് ചുണ്ണാമ്പുകല്ല് നിക്ഷേപം കൂടുതലായി കണ്ടുവരുന്നത്. കൂടാതെ തൃശൂർ, കോട്ടയം ജില്ലകളിലും ഇതിന്റെ സാന്നിധ്യമുണ്ട്.
കൃഷിക്കായി വിപണിയിൽ ലഭിക്കുന്ന ചുണ്ണാമ്പുകല്ല് പ്രത്യേക രീതിയിൽ സംസ്‌കരിച്ച് പൊടി രൂപത്തിലോ തരികളായോ ആണ് ലഭ്യമാകുന്നത്. കൃഷിഭവനുകളിലും അംഗീകൃത വളം വിൽപന കേന്ദ്രങ്ങളിലും ഇത് ലഭിക്കും.

ചുണ്ണാമ്പുകല്ല് പ്രയോഗിക്കുന്നതിന്റെ ഗുണങ്ങൾ 📈

pH നില ക്രമീകരിക്കുന്നു: മണ്ണിൽ ചേർക്കുന്നതുകൊണ്ടുള്ള പ്രധാന ഗുണം മണ്ണിന്റെ pH നില ക്രമീകരിക്കുന്നു എന്നതാണ്. അമ്ലത്വം കുറയുന്നതോടെ മണ്ണിലെ പോഷകങ്ങൾ ചെടികൾക്ക് എളുപ്പത്തിൽ ആഗിരണം ചെയ്യാൻ സാധിക്കുന്നു.
മണ്ണിന്റെ ഘടന മെച്ചപ്പെടുത്തുന്നു: മണ്ണിലെ കളിമൺ കണികകളെ വേർപെടുത്തുന്നതിലൂടെ മണ്ണിന് നല്ല ഘടന ലഭിക്കുകയും, വായുസഞ്ചാരവും നീർവാർച്ചയും വർദ്ധിക്കുകയും ചെയ്യുന്നു. ഇത് വേരുകളുടെ വളർച്ചയ്ക്ക് ഗുണകരമാവുകയും മണ്ണൊലിപ്പ് തടയാൻ സഹായിക്കുകയും ചെയ്യുന്നു.
രോഗപ്രതിരോധശേഷി: കാൽസ്യത്തിന്റെ മികച്ച സ്രോതസ്സായ ചുണ്ണാമ്പുകല്ല് ചെടികളുടെ കോശഭിത്തികൾക്ക് ബലം നൽകുന്നു. ഇത് ചെടികൾക്ക് രോഗപ്രതിരോധ ശേഷി നൽകുകയും കീടങ്ങളുടെ ആക്രമണം കുറയ്ക്കുകയും ചെയ്യുന്നു.
സൂക്ഷ്മാണുക്കൾക്ക് ഗുണകരം: മണ്ണിന്റെ പി.എച്ച് നില കൃത്യമാകുന്നതോടെ ഉപകാരികളായ സൂക്ഷ്മാണുക്കൾക്ക് വളരാൻ അനുയോജ്യമായ അന്തരീക്ഷം ഒരുങ്ങുന്നു. ഇത് മണ്ണിലെ ജൈവപ്രവർത്തനങ്ങൾ വേഗത്തിലാക്കാൻ സഹായിക്കുന്നു.

എപ്പോൾ, എങ്ങനെ പ്രയോഗിക്കണം? 🛠️

മണ്ണ് പരിശോധന നടത്തി കൃത്യമായ അളവ് നിശ്ചയിക്കുന്നതാണ് ഏറ്റവും ഉചിതം. കൃഷിയിറക്കുന്നതിന് രണ്ടാഴ്ച മുൻപ് മണ്ണിൽ ചേർത്ത് ഇളക്കുന്നതാണ് നല്ലത്.
ചെറിയ ചെടിച്ചട്ടികൾക്ക് 50-100 ഗ്രാം വരെയും, പച്ചക്കറികൾക്ക് ഒരു സെന്റിന് ഒരു കിലോ എന്ന നിലയിലും പ്രയോഗിക്കാം.
തെങ്ങിന് ഒരു കിലോയും വാഴയ്ക്ക് 500 ഗ്രാമും വീതം നൽകുന്നത് മികച്ച ഫലം നൽകും.
പ്രത്യേകം ശ്രദ്ധിക്കുക: രാസവളങ്ങളോ ജൈവവളങ്ങളോ ചേർക്കുന്ന അതേ സമയത്ത് തന്നെ ചുണ്ണാമ്പുകല്ല് പ്രയോഗിക്കരുത്. കുറഞ്ഞത് രണ്ടാഴ്ച കഴിഞ്ഞുമാത്രമേ മറ്റ് വളങ്ങൾ നൽകാവൂ. ഇത് ചേർത്ത ശേഷം മണ്ണ് നന്നായി നനയ്ക്കേണ്ടതും അത്യാവശ്യമാണ്.

ഹൈഡ്രോപോണിക്സ്, അക്വാപോണിക്സ് ഓൺലൈൻ പരിശീലനം! 🎓

കുറഞ്ഞ സ്ഥലത്ത് മണ്ണില്ലാതെ കൃഷി ചെയ്യാൻ വിദഗ്ദ്ധരിൽ നിന്നും നേരിട്ട് പഠിക്കാം.

🗓️ തീയതി: 2026 മെയ് 13 (ബുധനാഴ്ച)
⏰ സമയം: രാത്രി 7:00 മുതൽ 9:00 വരെ
👨‍🏫 ക്ലാസ് നയിക്കുന്നത്: അർഷദ് സാർ (മണ്ണുത്തി ഫാം ഓഫീസർ)
💻 മോഡ്: ഓൺലൈൻ പ്ലാറ്റ്ഫോം വഴി
💰 കോഴ്സ് ഫീസ്: ₹149/-

പേയ്‌മെന്റ് വിവരങ്ങൾ (₹149 GPay/UPI ചെയ്യുക):

🔹 Google Pay: 9656658737
🔹 UPI ID: greenvillagechannel@oksbi
🔹 Bank: Federal Bank (A/c: 99980107942893, IFSC: FDRL0001427, Name: MUHAMMED MUHSIN PT)

⚠️ ശ്രദ്ധിക്കുക: പണം അടച്ച ശേഷം സ്ക്രീൻഷോട്ട് 9656658737 എന്ന നമ്പറിലേക്ക് വാട്സാപ്പ് ചെയ്യുക.

👉 ഇവിടെ ക്ലിക്ക് ചെയ്ത് രജിസ്റ്റർ ചെയ്യുക 👈

🥭 പ്രകൃതിയുടെ മധുരം... 100% ഓർഗാനിക്! 🥭

ഗ്രീൻ വില്ലേജിൽ നിന്നും നാടൻ മല്ലിക മാമ്പഴം

രാസവളങ്ങളോ കീടനാശിനികളോ തൊട്ടുതീണ്ടാത്ത നമ്മുടെ സ്വന്തം പറമ്പിലെ മല്ലിക മാമ്പഴം. കാർബൈഡ് വെക്കാതെ സ്വാഭാവികമായി പഴുപ്പിച്ചെടുത്തത്. അതിമനോഹരമായ സുഗന്ധവും തേൻമധുരവും!

വിലവിവരങ്ങൾ (കൊറിയർ ചാർജ് ഉൾപ്പെടെ):