കായ്കൾക്ക് വികൃതരൂപമാണോ? വില്ലൻ ബോറോണിൻ്റെ കുറവാകാം;
പരിഹാരമാർഗ്ഗങ്ങളും പ്രയോഗിക്കേണ്ട രീതികളും അറിയാം!

നല്ലപോലെ വളമിട്ടിട്ടും ചെടികൾ കായ്ക്കുന്നില്ലെങ്കിൽ കർഷകർ നിർബന്ധമായും ശ്രദ്ധിക്കേണ്ട കാര്യങ്ങൾ 🌿

🌱 സൂക്ഷ്മ മൂലകങ്ങൾ | Boron Deficiency

നന്നായി വളവും പരിചരണവും നൽകി വളർത്തിയ പച്ചക്കറിച്ചെടികളിൽ പൂക്കൾ കൊഴിഞ്ഞുപോകുകയോ കായ്കൾക്ക് വികൃതരൂപം ഉണ്ടാകുകയോ ചെയ്യുന്നത് പല കർഷകരും നേരിടുന്ന വലിയൊരു പ്രശ്നമാണ്. തക്കാളി, വെള്ളരി, പാവൽ, പടവലം, വെണ്ട, പച്ചമുളക് തുടങ്ങിയവയിലും; പപ്പായ, വാഴ പോലുള്ള പഴവർഗ്ഗങ്ങളിലും എന്തിന് തെങ്ങിലും കവുങ്ങിലും വരെ ഈ പ്രശ്നം കാണാറുണ്ട്. ഇതിനെല്ലാം പ്രധാന കാരണം 'ബോറോൺ' (Boron) എന്ന സൂക്ഷ്മ മൂലകത്തിന്റെ കുറവാണ് (Boron Deficiency). കറികളിൽ ഉപ്പിടാൻ മറന്നാൽ എത്ര കഷ്ടപ്പെട്ട് പാകം ചെയ്തിട്ടും കാര്യമില്ലാത്തത് പോലെയാണ് ചെടികൾക്ക് ബോറോണിന്റെ കാര്യവും. വളരെ കുറഞ്ഞ അളവിൽ മാത്രമേ ആവശ്യമുള്ളൂവെങ്കിലും മികച്ച വിളവിന് ഇത് ഒഴിച്ചുകൂടാനാവാത്തതാണ്.

ബോറോണിന്റെ പ്രാധാന്യം 🌸

പൂവിടാനും കായ്ക്കാനും: ചെടികൾ പൂവിടുന്നതിനും, കൃത്യമായി പരാഗണം നടക്കുന്നതിനും കായ്കൾ ഉണ്ടാകുന്നതിനും ബോറോൺ അത്യന്താപേക്ഷിതമാണ്. ഇതിന്റെ കുറവുണ്ടെങ്കിൽ പൂക്കൾ പെട്ടെന്ന് കൊഴിഞ്ഞുപോയേക്കാം.
ഭക്ഷണം എത്തിക്കാൻ: ഇലകളിൽ ഉല്പാദിപ്പിക്കുന്ന അന്നജം (പഞ്ചസാര) ചെടിയുടെ എല്ലാ ഭാഗങ്ങളിലേക്കും എത്തിക്കുന്നത് ബോറോണിന്റെ സഹായത്തോടെയാണ്.
കോശങ്ങൾക്ക് ബലം: ചെടികളുടെ കോശഭിത്തികൾക്ക് (Cell walls) ബലം നൽകുന്നതിലും ഇത് പ്രധാന പങ്കുവഹിക്കുന്നു.
പോഷക ആഗിരണം: മണ്ണിൽ നിന്നുള്ള കാൽസ്യം പോലുള്ള മറ്റ് അവശ്യ പോഷകങ്ങളെ വലിച്ചെടുക്കാനും ചെടികളെ ബോറോൺ സഹായിക്കുന്നു.

ഏത് തരം മണ്ണിലാണ് കുറവ് വരുന്നത്? 🏜️

മണൽ കൂടുതലുള്ള മണ്ണ്, എക്കൽ മണ്ണ് എന്നിവയുള്ള സ്ഥലങ്ങളിലാണ് ബോറോൺ അപര്യാപ്തത കൂടുതലായി കണ്ടുവരുന്നത്.
അമിതമായി മഴ ലഭിക്കുന്ന പ്രദേശങ്ങളിലും എപ്പോഴും വെള്ളം കെട്ടിനിൽക്കുന്ന സ്ഥലങ്ങളിലും ഇതിന്റെ കുറവുണ്ടാകാം.
മണ്ണിന്റെ pH നില 6 നും 7 നും ഇടയിലാണെങ്കിൽ (അതായത് മണ്ണിൽ അമിതമായ പുളിരസമോ ക്ഷാരഗുണമോ ഇല്ലെങ്കിൽ), ആവശ്യത്തിന് ജൈവവളങ്ങളും സൂക്ഷ്മജീവികളും ഉണ്ടെങ്കിൽ ചെടികൾക്ക് സ്വാഭാവികമായി തന്നെ ബോറോൺ ലഭിക്കേണ്ടതാണ്. ഇതില്ലാത്ത അവസ്ഥയിലാണ് നമ്മൾ പുറത്തുനിന്നും വളമായി ബോറോൺ നൽകേണ്ടി വരുന്നത്.

എങ്ങനെ പരിഹരിക്കാം? പ്രയോഗിക്കേണ്ട രീതികൾ 🧪

വിപണിയിൽ ബോറാക്സ് (Borax / Sodium Borate) എന്ന പേരിലോ ബോറിക് ആസിഡ് (Boric Acid - 17% Boron) എന്ന പേരിലോ ഇത് പൊടി രൂപത്തിൽ ലഭിക്കും. ഓരോ വിളകൾക്കും ഇവ നൽകേണ്ട രീതി താഴെ പറയുന്നവയാണ്:

പച്ചക്കറികൾക്ക്: തൈ നട്ട് 10 ദിവസം കഴിഞ്ഞാൽ 5 ഗ്രാം ബോറാക്സ് അരക്കിലോ കമ്പോസ്റ്റിലോ ഉണങ്ങിപ്പൊടിഞ്ഞ ചാണകത്തിലോ ചേർത്ത് തടത്തിലിട്ട് ഇളക്കിക്കൊടുക്കുക. 15 ദിവസത്തെ ഇടവേളകളിൽ ഇത് ആവർത്തിക്കാം.
പപ്പായയ്ക്ക്: 10 ഗ്രാം ബോറാക്സ് ചാണകപ്പൊടിയോടൊപ്പം ചേർത്ത് മാസത്തിലൊരു തവണ നൽകാം.
തെങ്ങും കവുങ്ങും: തേങ്ങയുടെ വലിപ്പം കുറയുകയോ ആകൃതി മാറുകയോ ചെയ്യുക, അടയ്ക്കയുടെ തലപ്പ് വിണ്ടു കീറുക എന്നിവ ബോറോണിന്റെ കുറവ് മൂലമാണ്. തെങ്ങിന് വർഷത്തിൽ രണ്ടു തവണയായി (കാലവർഷത്തിലും തുലാവർഷത്തിലും) 150 ഗ്രാം വീതം നേരിട്ട് തടത്തിലിടാം. കവുങ്ങിന് 50 ഗ്രാം മതിയാകും.
വാഴയ്ക്ക്: വാഴയുടെ ഇലകൾ ചുക്കി ചുളിഞ്ഞു പൊട്ടുന്നത് ബോറോൺ കുറയുന്നതിന്റെ ലക്ഷണമാണ്. വാഴ നടുമ്പോൾ തന്നെ മറ്റ് ജൈവവളങ്ങൾക്കൊപ്പം 10 ഗ്രാം ബോറാക്സ് കൂടി കുഴിയിലിടാം. കുലയിലെ എല്ലാ പഴത്തിനും ഒരേ വലിപ്പം ലഭിക്കാൻ ഇത് സഹായിക്കും.
ലായനിയായി തളിക്കാൻ (Foliar Spray): പെട്ടെന്നുള്ള ഫലത്തിന് 2 ഗ്രാം ബോറാക്സ് ഒരു ലിറ്റർ വെള്ളത്തിൽ കലക്കി, ഒപ്പം ഒരു ചെറുനാരങ്ങയുടെ നീരും രണ്ടു തുള്ളി ഷാംപൂവും (ഒട്ടിപ്പിടിക്കാൻ) ചേർത്ത് ഇലകളിൽ സ്പ്രേ ചെയ്യാം. ബോറോൺ 20% (Boron 20%) എന്ന പേരിൽ വെള്ളത്തിൽ വേഗത്തിൽ ലയിക്കുന്ന വളങ്ങളും ഇതിനായി ഉപയോഗിക്കാം (1 ലിറ്റർ വെള്ളത്തിൽ 2-3 ഗ്രാം).

ശ്രദ്ധിക്കേണ്ട അതിപ്രധാന കാര്യങ്ങൾ ⚠️

മണ്ണ് പരിശോധന നടത്തി ബോറോണിന്റെ അളവ് കുറവാണെന്ന് ഉറപ്പുവരുത്തിയ ശേഷം മാത്രം ഇത് ഉപയോഗിക്കുന്നതാണ് ഉചിതം.
വളരെ കുറഞ്ഞ അളവിൽ മാത്രം ആവശ്യമുള്ള ഒരു പോഷകമാണിത്. അമിതമായാൽ ഇത് ചെടികൾക്ക് വിഷമായി മാറുകയും വേരുകൾക്ക് കേടുപാടുകൾ സംഭവിച്ച് ചെടി നശിച്ചുപോകാനും കാരണമാകും. അതിനാൽ അളവ് കൃത്യമായി പാലിക്കുക.
ഇലകളിൽ സ്പ്രേ ചെയ്യുമ്പോൾ അതിരാവിലെയോ വൈകുന്നേരമോ മാത്രം ചെയ്യാൻ ശ്രദ്ധിക്കുക. ഉച്ചവെയിലിൽ തളിച്ചാൽ ഇലകൾക്ക് പൊള്ളലേൽക്കാൻ സാധ്യതയുണ്ട്.

ഹൈഡ്രോപോണിക്സ്, അക്വാപോണിക്സ് ഓൺലൈൻ പരിശീലനം! 🎓

കുറഞ്ഞ സ്ഥലത്ത് മണ്ണില്ലാതെ കൃഷി ചെയ്യാൻ വിദഗ്ദ്ധരിൽ നിന്നും നേരിട്ട് പഠിക്കാം.

🗓️ തീയതി: 2026 മെയ് 13 (ബുധനാഴ്ച)
⏰ സമയം: രാത്രി 7:00 മുതൽ 9:00 വരെ
👨‍🏫 ക്ലാസ് നയിക്കുന്നത്: അർഷദ് സാർ (മണ്ണുത്തി ഫാം ഓഫീസർ)
💻 മോഡ്: ഓൺലൈൻ പ്ലാറ്റ്ഫോം വഴി
💰 കോഴ്സ് ഫീസ്: ₹149/-

പേയ്‌മെന്റ് വിവരങ്ങൾ (₹149 GPay/UPI ചെയ്യുക):

🔹 Google Pay: 9656658737
🔹 UPI ID: greenvillagechannel@oksbi
🔹 Bank: Federal Bank (A/c: 99980107942893, IFSC: FDRL0001427, Name: MUHAMMED MUHSIN PT)

⚠️ ശ്രദ്ധിക്കുക: പണം അടച്ച ശേഷം സ്ക്രീൻഷോട്ട് 9656658737 എന്ന നമ്പറിലേക്ക് വാട്സാപ്പ് ചെയ്യുക.

👉 ഇവിടെ ക്ലിക്ക് ചെയ്ത് രജിസ്റ്റർ ചെയ്യുക 👈

🥭 പ്രകൃതിയുടെ മധുരം... 100% ഓർഗാനിക്! 🥭

ഗ്രീൻ വില്ലേജിൽ നിന്നും നാടൻ മല്ലിക മാമ്പഴം

രാസവളങ്ങളോ കീടനാശിനികളോ തൊട്ടുതീണ്ടാത്ത നമ്മുടെ സ്വന്തം പറമ്പിലെ മല്ലിക മാമ്പഴം. കാർബൈഡ് വെക്കാതെ സ്വാഭാവികമായി പഴുപ്പിച്ചെടുത്തത്. അതിമനോഹരമായ സുഗന്ധവും തേൻമധുരവും!

വിലവിവരങ്ങൾ (കൊറിയർ ചാർജ് ഉൾപ്പെടെ):