ಈ ಹಣ್ಣು ಮನೆಯಲ್ಲಿದ್ದರೆ ಅತಿಥಿಗಳಿಗೆ ಇದುವೇ ಧಾರಾಳ.
ಇದನ್ನು ಪದಾರ್ಥಕ್ಕೆ 🍲 ಹುಳಿಗಾಗಿ ಬಳಸಬಹುದು. ದೇಹದ ಉಲ್ಲಾಸಕ್ಕಾಗಿ ನೀವು ಉತ್ತಮ ಸರ್ಬತ್ತ್ ಕೂಡ ತಯಾರಿಸಬಹುದು.
ಪುನರ್ಪುಳಿ, ಮ್ಯಾಂಗೋಸ್ಟೀನ್ (ಗಾರ್ಸಿಯ ಎಂಬ ಮರದ ಹಣ್ಣು) ಮತ್ತು ಹುಣಸೆಹುಳಿ, ಕುಟುಂಬದ ಅಂಗವಾಗಿದೆ.
ಕರ್ನಾಟಕದಿಂದ ಮಹಾರಾಷ್ಟ್ರಕ್ಕೆ ಕೊಂಕಣ ತೀರದಲ್ಲಿ ಜನಿಸಿದ ಇದು ಕೊಂಕಣ ಪ್ರದೇಶದಲ್ಲಿ ಹೆಚ್ಚು ಬೇಡಿಕೆಯಿರುವ ಮತ್ತು ಹುಣಸೆಹುಳಿಯ ಹಾಗೆ ಆಹಾರ ಪದಾರ್ಥಗಳಲ್ಲಿ ಪ್ರಥಮ ಸ್ಥಾನ ಅಲಂಕರಿಸಿದೆ. ಇದು ಗಾರ್ಸಿನಿಯಾ ವರ್ಗದ ಔಷಧೀಯ ಗುಣ ಮತ್ತು ಪೌಷ್ಟಿಕಾಂಶದ ಅತಿ ವಿಷೇಶ ಹಣ್ಣಾಗಿದೆ.
ಕರ್ನಾಟಕ, ಗೋವಾ, ಮಹಾರಾಷ್ಟ್ರ ಮತ್ತು ಗುಜರಾತ್‌ನಲ್ಲಿ ಜನಪ್ರಿಯವಾಗಿರುವ ಕಡು ಕೆಂಪು ಬಣ್ಣದ ಕೋಕಂ(ಪುನರ್ಪುಳಿ) ಸರ್ಬತ್ ಬಹಳ ಜನಪ್ರಿಯವಾಗಿದೆ. ಇದು ದೇಹವನ್ನು ತಂಪಾಗಿಸುತ್ತದೆ ಮತ್ತು ಜೀರ್ಣಕ್ರಿಯೆಯನ್ನು ಸುಧಾರಿಸುತ್ತದೆ. ಬಿಸಿಲಿನಲ್ಲಿ ಒಣಗಿಸಿದ ಇದರ ಸಿಪ್ಪೆ ದೀರ್ಘಕಾಲದವರೆಗೆ ಸಂಗ್ರಹಿಸಬಹುದು ಮತ್ತು ಆಹಾರ ಪದಾರ್ಥಗಳಲ್ಲಿಬಳಸಬಹುದು.
ಈ ರೀತಿಯ ಒಣಗಿದ ಸಿಪ್ಪೆಯನ್ನು ಎರಡು ಗಂಟೆಗಳ ಕಾಲ ನೀರಿನಲ್ಲಿ ನೆನೆಸಿ ನಂತರ ಕೆಂಪು ಪಾನೀಯ ಮಾಡಿ ಕುಡಿದರೆ ಇದು ಪಿತ್ತರಸ ಮತ್ತು ಸಂಧಿವಾತಕ್ಕೆ ಒಳ್ಳೆಯದು.
ಮಂಗಳೂರು ಭಾಗದ ಜನರು ಹೆಚ್ಚು ಕುಡಿಯುತ್ತಾರೆ. ಒಮ್ಮೆ ಬಳಸಿದ ಡ್ರೈಫ್ರೂಟ್ ಅನ್ನು ಮತ್ತೆ ಮೂರು ಅಥವಾ ನಾಲ್ಕು ಬಾರಿ ಈ ಪಾನೀಯಕ್ಕೆ ಬಳಸಬಹುದು. ಇದರ ಬೀಜಗಳಿಂದ ತೆಗೆದ ಎಣ್ಣೆ / ಬೆಣ್ಣೆಯು ಹೆಚ್ಚಿನ ಕೈಗಾರಿಕಾ ಪ್ರಾಮುಖ್ಯತೆಯನ್ನು ಹೊಂದಿದೆ.
ಇದು ಬೊಜ್ಜು, ಹೃದಯದ ಆರೋಗ್ಯ, ರೋಗನಿರೋಧಕ ಶಕ್ತಿ, ಗೆಡ್ಡೆಗಳು, ಹುಣ್ಣುಗಳು ಮತ್ತು ಅಲ್ಸರ್, ಯಕೃತ್ತಿನ ರಕ್ಷಣೆ ಸೇರಿದಂತೆ ಅನೇಕ ಆರೋಗ್ಯ ಸಮಸ್ಯೆಗಳನ್ನು ಗುಣಪಡಿಸುವ ಅಂಶಗಳನ್ನು ಒಳಗೊಂಡಿದೆ ಎಂದು ಹೇಳಲಾಗುತ್ತದೆ. ಪುನರ್ಪುಳಿ ಹಣ್ಣಿನ ರುಚಿ ತಿಳಿ ಸಿಹಿ ಮಿಶ್ರಿತ ಮತ್ತು ಹುಳಿಯಾಗಿರುತ್ತದೆ.
ಇಂಚೂಹುಳಿ ಇಲ್ಲದ ಸಿಹಿ "ಸ್ವೀಟ್ ಪುನರ್ಪುಳಿ ಎಂಬ ವಿಧವೂ, ಹಳದಿ-ಹಣ್ಣಿನ ವಿಧವೂ,ಮತ್ತುಕೆಂಪು-ಹಣ್ಣಿನ ವಿಧವೂ ಪ್ರಚಾರದಲ್ಲಿದೆ.
ಇದು ಮಧ್ಯಮ ಗಾತ್ರದ ನಿತ್ಯಹರಿದ್ವರ್ಣ ಮರವಾಗಿದ್ದು, ಎಳೆಯ ಎಲೆಗಳು ಕೆಂಪು ಮತ್ತು ಎಲೆಗಳು ಕಡು ಹಸಿರು ಬಣ್ಣದಿಂದ ಕೂಡಿದ್ದು ಅಲಂಕಾರವಾಗಿದೆ. ಬೀಜದಿಂದ ಮೊಳಕೆ ಬಂದ ಸಸಿ ಕೆಲವೊಮ್ಮೆ ಗಂಡು ಅಥವಾ ಹೆಣ್ಣು ಆಗಿರಬಹುದು. ಹೆಣ್ಣು ಮರ ಮಾತ್ರ ಫಲ ನೀಡುತ್ತದೆ.
ಮುಂದಿನ ದಿನಗಳಲ್ಲಿ ಮೀನಿನ ಸಾರಿನಲ್ಲಿ ಬಳಸಲು ಹುಳಿಯು ಸಿಗದೇ ಇರಬಹುದು ಆದ್ದರಿಂದ ಹುಣಸೆ ಗಿಡ ಅಥವಾ ಪುನರ್ಪುಳಿ ಸಸಿಗಳನ್ನು ನೆಡಲು ಪ್ರಯತ್ನಿಸಿ.
Best of luck 🤞
ReplyDelete